Ўзбекистонда феврал ойи илиқроқ, ёмғир-қор кўпроқ бўлиши мумкин

Гидрометеорология хизмати агентлиги башоратига кўра, февраль ойи январга нисбатан ўртача 2–3 даражага, тоғли ҳудудларда эса 1–1,5 даражага илиқроқ келиши кутилмоқда. Яъни қиш “кетяпман” деб туриб, ҳали бир-икки марта қайтиб салом бериши ҳам мумкин.

Ойнинг биринчи беш кунлиги нам об-ҳаво билан бошланади. Республика бўйича асосан ёмғир кўринишида ёғингарчилик кузатилиши айтилмоқда. Шу пайтда ҳарорат ҳам аста-секин кўтарилиб, кечалари 5–10 даражагача, кундузи 13–18 даражагача чиқиши мумкин.