Давид Трезеге Буэнос-Айресда «Ривер Плейт» раҳбариятига қўшилди

Туриннинг «Ювентус» клуби ва Франция терма жамоасининг собиқ ҳужумчиси Давид Трезеге Аргентинага яна қайтди. У аввалроқ «Ривер Плейт» сафида тўп суриб, жамоа билан Аргентина футболининг иккинчи дивизиони чемпионлигини ҳам қўлга киритган эди. Бу ҳақда euro-football.ru хабар беради.

Энди эса Трезеге Буэнос-Айрес клуби тизимига бошқа мақомда — раҳбарият таркибига кириш учун қайтмоқда. Унинг «Ривер Плейт»даги аниқ лавозими расман очиқланмаган бўлса-да, клуб уни бутун бошқарув жамоаси иштирокида махсус тақдимот орқали таништирди.