ПСЖ ҳужумчиси Дембеле Саудия чемпионатига йўл олиши мумкин

ПСЖнинг француз ҳужумчиси Усман Дембеле Саудия Арабистони чемпионатида фаолиятини давом эттириши эҳтимоли бор. Sky Sports манбаси шу ҳақда хабар берди. Бу ҳақда euro-football.ru хабар беради.

Манбага кўра, саудиялик шайхлар ёзги трансфер ойнаси учун «Олтин тўп» соҳибини олиб келиш устида иш бошлаган. Келишувнинг тахминий қиймати ҳозирча ошкор қилинмади, шунингдек Дембелега қайси топ-клуб қизиқиш билдираётгани ҳам номаълум.

Аввалроқ Дембеле ПСЖ билан шартномани узайтириш учун жуда юқори маош талаб қилаётгани айтилганди.