Жикия «Антальяспор»ни тарк этиши ҳақидаги гапларга агент жавоб берди

«Антальяспор» ҳимоячиси Георгий Жикиянинг агенти Владимир Кузьмичёв футболчининг келажаги борасидаги миш-мишларга изоҳ берди. Бу ҳақда euro-football.ru хабар беради.

Агентнинг айтишича, Жикиянинг аҳволи яхши ва клуб унга ишонмоқда. Сўнгги учрашувларда майдонга тушмаганига сабаб — микрояроҳат бўлган. Ҳозир у тикланган ва Кузьмичёв фикрича, кейинги ўйинда Жикия яна таркибда бўлиши мумкин.

Бундан аввал турк матбуотида «Спартак»нинг собиқ сардори билан клуб хайрлашмоқчи экани ҳақида хабарлар тарқалган эди.