Эдуард Мор ҳозирнинг ўзида «Олтин тўп»ни Педрига берарди

Москванинг «Спартак» клуби собиқ ҳимоячиси Эдуард Мор ҳозирги пайтда «Олтин тўп»га ким энг муносиб эканини айтди. Бу ҳақда euro-football.ru хабар беради.

Унинг фикрича, «Барселона» ярим ҳимоячиси Педри каталонияликлар ўйинида ҳал қилувчи роль ўйнаяпти ва жамоа натижаси кўп жиҳатдан айнан унга боғлиқ.

«У майдонда бўлса — бу бутунлай бошқа ўйин. Айни пайтда у дунёнинг энг яхши футболчиси. Ҳозирнинг ўзида мен «Олтин тўп»ни унга берган бўлардим, чунки ўйинга таъсири жуда катта», — деди Мор «Match TV» эфирида.