Арбелоа "Вильярреал"га қарши оғир ўйинни кутаётганини маълум қилди

«Реал Мадрид» бош мураббийи Альваро Арбелоа «Вильярреал»га қарши баҳс олдидан журналистлар саволларига жавоб берди. Мураббийнинг сўзларига кўра, бу ўйин “қироллик клуби” учун энг мураккаб сафарлардан бири бўлиши мумкин.

Арбелоа аввало рақибга баҳо берди: «Вильярреал» кучли ва жуда тартибли жамоа, лекин «Реал» ғалаба учун қандай ўйнаш кераклигини яхши билади. У жамоа сўнгги пайт айрим қийинчиликларни бошдан кечирганини яширмади, бироқ «Монако»га қарши учрашувдан кейин ижобий ўзгариш бўлиши мумкинлигини таъкидлади.