Қорақалпоғистонда аёл поезд остида қолиб ҳалок бўлди

Қорақалпоғистонда темирйўлни белгиланмаган жойдан кесиб ўтиш оғир фожиага сабаб бўлди. Йўлни ўтиш учун мўлжалланмаган нуқтадан ўтмоқчи бўлган аёл йўловчи поезди остида қолиб, воқеа жойида ҳалок бўлган.

“Ўзбекистон темир йўллари” АЖ матбуот хизматига кўра, ҳодиса 2026 йил 22 январь куни Гидроузел ва Нукус станциялари оралиғида содир бўлган. Маълум қилинишича, жабрланувчи темирйўлдан рухсат этилмаган жой орқали ўтишга уринган ва йўловчи поезд ҳаракати вақтида хавфсизлик қоидаларига амал қилмаган.