Ренар “паненка”га қарши: Диас уролмаган пенальтига қаттиқ баҳо берди

Африка миллатлар кубоги финалидаги энг баҳсли ва оғриқли лаҳзалардан бири — Браҳим Диаснинг пенальтини “паненка” услубида ижро этиши бўлди. Собиқ Марокаш бош мураббийи Эрве Ренар эса бу қарорни кечириб бўлмайдиган хатолар қаторига киритиб, кескин танқид қилди.

Эслатиб ўтамиз, финал учрашувининг 90+24-дақиқасида ҳисоб 0:0 эди. Айнан шу пайтда Марокашга ғалаба эшигини очиб бериши мумкин бўлган 11 метрли зарба Диасга ишониб топширилди. Аммо у тўпни оддий, хавфсиз зарба билан эмас, “паненка” деб аталадиган нозик ва таваккал услубда тепди.