Грацианни: «Ювентус» январда янги марказий ҳужумчи олиши керак

Италия терма жамоасининг собиқ футболчиси ва жаҳон чемпиони Франческо Грацианни январ трансфер ойнасида «Ювентус» таркибини янги ҳужумчи билан кучайтиришга чақирди. Унинг фикрича, туринликлар ҳужум чизиғи ҳозирча керакли даражадан анча узоқ. Бу ҳақда euro-football.ru хабар беради.

Грацианни «Ювентус» бозорда фаол бўлиб, камида битта кучли марказий форвардни олиб келиши шартлигини таъкидлади. Rai Sport келтирган иқтибосда у Лоис Опенда ҳам, Жонатан Девид ҳам айнан «Ювентус» учун идеал вариант эмаслигини қайд этди.