Уэйн Руни: Кэррик келди — «Манчестер Юнайтед» руҳи қайта уйғонди

«Манчестер Юнайтед» афсонаси Уэйн Руни жамоанинг Майкл Кэррик қўл остидаги илк ўйинидан (2:0) кейин таъсирли фикрлар билдирди. Унинг таъкидлашича, ўзгаришни ҳатто стадионда ўтирмасдан ҳам сезиш мумкин бўлган — муҳит, энергия ва мухлисларнинг ишончи бошқача тус олган.

Руни ўша куни студияда бўлганини айтса-да, майдондаги кайфият “кўзга урилиб тургани”ни таъкидлади. Айниқса, Кэррик ўйин олдидан майдонга чиқиб, мухлисларни руҳлантиришга уринган пайтдаёқ қандайдир янги ҳаво келгани сезилган.