"Динамо" "Қайсар"ни енгди: Абрамов иккинчи бўлимни алоҳида мақтади

Самарқанднинг «Динамо» жамоаси йиғинлар давомидаги навбатдаги назорат ўйинида Қозоғистоннинг «Қайсар» клубини 3:1 ҳисобида мағлуб этди. Учрашувдан кейин жамоа бош мураббийи Вадим Абрамов клуб матбуот хизматига фикр билдириб, бу баҳс айнан йиғинларда керак бўладиган “тўғри формат” эканини алоҳида таъкидлади.

Абрамовнинг айтишича, рақиб анча муносиб ва курашчан бўлган. У шундай спарринглар орқали жамоа реал темпни ҳис қилиши, хатоларни кўриши ва ҳар бир бўғиндаги вазифаларни яхшироқ бажаришни ўрганиши мумкинлигини қайд этди.