Туркманистон МДҲда энг ҳушёр давлат деб тан олинди

World Population Review эълон қилган навбатдаги рейтингда Марказий Осиё яна бир бор “алкогольга совуққон” ҳудуд сифатида кўринди: постсовет маконида энг паст кўрсаткич айнан Туркманистонда қайд этилгани айтилмоқда.

Манбада келтирилишича, Туркманистонда йил давомида киши бошига ўртача 0,3 литр тоза спирт тўғри келади. Ундан кейинги энг паст кўрсаткич Тожикистонда — 0,7 литр. Қўшнилар кесимида эса Қозоғистонда 5,4 литр, Қирғизистонда 3,9 литр, Ўзбекистонда 2,1 литр тоза спирт истеъмол қилиниши қайд этилган.