Ўзбекистонда ҳафтанинг иккинчи ярмида совуқ кучаяди, ёмғир-қор ёғади

Ўзгидромет маълумотига кўра, янги ҳафта боши кўпчилик учун тинчроқ бошланади: душанба ва сешанба кунлари мамлакат ҳудудининг катта қисмида ёғингарчиликсиз об-ҳаво кузатилиши кутилмоқда. Лекин ҳафта ўрталарига бориб манзара ўзгаради — ёмғир-қор қайтади, ҳарорат эса босқичма-босқич пасайиб боради.

19 январда қаерларда қор бўлиши мумкин?

Душанба куни фақат Навоий вилоятида қор ёғиши эҳтимоли бор. Қолаверса, эрталаб Қорақалпоғистон Республикаси ҳамда Хоразм вилоятида ҳам бироз қор кузатилиши мумкин.