Испанияда поездлар тўқнашуви: 21 қурбон, юзлаб одамлар жароҳат олган

Испанияда оғир темирйўл фожиаси юз берди. 18 январь кечқурун Кордова вилоятида икки тезюрар поезд релсдан чиқиб, бир-бири билан тўқнашгани оқибатида камида 21 киши ҳалок бўлди. Яна ўнлаб инсонлар турли даражада жароҳат олган, оғир аҳволдаги жабрланувчилар ҳам бор.

Маълумотларга кўра, хусусий Iryo компаниясига тегишли, Малагадан Мадридга йўл олган поезд ҳаракат вақтида издан чиққан ва қўшни йўлакка чиқиб кетган. Айни шу пайтда қарши томондан келаётган — Мадриддан Уэлва томон йўналган Renfe Alvia таркиби билан тўқнашув содир бўлган.