Кореяда нолегал меҳнат қилувчи ўзбекистонликлар кўпаймоқда

Жанубий Кореяда фаолият олиб бораётган ўзбекистонлик меҳнат мигрантлари орасида ноқонуний мақомга ўтаётганлар сони сўнгги пайтларда кескин ошмоқда. Ҳозирда бу кўрсаткич қарийб 9 фоизни ташкил этмоқда. Агар у 10 фоиз чегарасидан ошса, Корея Республикаси Адлия вазирлиги Ўзбекистон фуқароларига виза беришни тўлиқ тўхтатиш масаласини кўриб чиқиши мумкин.

Бу ҳақда Ўзбекистоннинг Жанубий Кореядаги элчиси Алишер Абдусаломов 17 январь куни Тошкентда бўлиб ўтган элчилар ва тадбиркорлар иштирокидаги учрашувда маълум қилди.