Трент Александр-Арнолд норози: у «Реал»дан кетиш ҳақида ўйлаяпти

Мадриднинг «Реал» жамоаси ҳимоячиси Трент Александр-Арнолд яқин вақтларда клубдан бошқа манзилга йўл олиши эҳтимоли бор. Бу ҳақда The Telegraph нашри маълум қилди.

Манбага кўра, англиялик футболчи жамоадаги ўз ҳолатидан қониқмаяпти. Айтилишича, бу норозиликка клуб раҳбарияти томонидан берилган, аммо тўлиқ бажарилмаган бир қатор ваъдалар сабаб бўлган. Табиийки, бундай вазиятда ўйинчи ўз келажаги ҳақида жиддий ўйлаб кўради — айниқса «қироллик клуби»дек катта жамоада ҳар бир футболчи ўзини муҳим фигура сифатида ҳис қилишни истайди.