Кўрфаз давлатлари Трампни Эронга зарба беришдан қайтарди

Саудия Арабистони, Қатар ва Ўмон расмийлари АҚШ президенти Доналд Трампни Эронга ҳужум қилиш ғоясидан қайтаришга муваффақ бўлган. AFP агентлигига гапирган саудиялик юқори мартабали амалдорнинг айтишича, Кўрфаздаги уч давлат сўнгги дақиқаларда жуда фаол дипломатик ҳаракатлар қилиб, Вашингтонни кескин қадамдан тийилишга кўндирган.

«Кўрфазнинг уч мамлакати сўнгги дақиқада президент Трампни Эронга ўз яхши ниятини намойиш этиш имкониятини беришга кўндириш учун кўп уринишли дипломатик саъй-ҳаракатларни амалга оширди», — деган амалдор.