Хавфсизлик камари тақишдан кимлар озод этилади? Расмий рўйхат очиқланди

Адлия вазирлигида "саломатлиги хавфсизлик камари тақиш имконини бермайдиган касалликлар" рўйхати давлат рўйхатидан ўтказилди. Энди белгиланган тиббий ҳолатларга эга шахслар хавфсизлик камари тақиш талабидан қонуний равишда озод этилади.

Қайд этилишича, мазкур касалликлар бўйича QR-кодли тиббий маълумотнома "Электрон соғлиқни сақлаш" ахборот тизими орқали бемор бириктирилган бирламчи тиббий-санитария ёрдами муассасаси ёки даволанган давлат тиббиёт муассасаси томонидан бепул берилади.