Экологик рейд: махсус комиссия Янгиҳаёт ва Сергели туманларида бўлди

Ўзбекистон президентининг экология масалалари бўйича маслаҳатчиси бошчилигидаги Махсус комиссия ҳавонинг ифлосланишини камайтириш мақсадида саноат корхоналарида экологик рейдларни давом эттирмоқда. Навбатдаги рейдлар 13 январ куни Тошкент шаҳрининг Янгиҳаёт ва Сергели туманларидаги саноат зоналарида ўтказилди.

Сергели туманида В.Л.Галпарин номидаги Тошкент қувур заводи фаолияти текширилди. Мазкур корхона пайвандланган қувурлар ишлаб чиқаради ҳамда атроф-муҳитга юқори даражада таъсир кўрсатувчи корхоналар тоифасига киради.