2025-йилда иш вақтидаги бахтсиз ҳодисалар оқибатида 248 киши ҳалок бўлган

2025-йил давомида Ўзбекистонда иш жойларида юз берган бахтсиз ҳодисалар оқибатида 248 нафар фуқаро ҳалок бўлган. Камбағалликни қисқартириш ва бандлик вазирлиги маълумотига кўра, йил давомида республика бўйлаб меҳнат фаолияти билан боғлиқ жами 849 та бахтсиз ҳодиса қайд этилган.

Мазкур ҳодисаларнинг 50 таси гуруҳий тарзда содир бўлган бўлса, 583 таси оғир оқибатларга олиб келган. Шунингдек, 216 та ҳолат ўлим билан якунланган. Бахтсиз ҳодисалар натижасида 680 нафар фуқаро оғир, 33 нафар фуқаро эса енгил тан жароҳати олган.