Суле «Рома» ғалабасидан сўнг шу руҳда давом этишга чақирди

А Сериянинг 20-турида Римнинг «Рома» клуби ғалабага эришди. Учрашувда Матиас Суле жамоасининг ҳар икки голида ҳам ҳал қилувчи роль ўйнади: бирини ўзи киритди, иккинчисига эса голли пас узатди. Бу ҳақда euro-football.ru хабар беради.

Ўйиндан кейин Суле натижани муҳим деб баҳолади. Унинг айтишича, рақиб ҳимояда тартибли ўйнаб, яхши ёпила олади ва «Рома»га ўз ўйинини йўлга қўйиш осон бўлмаган. Иккинчи бўлимда римликлар ўз ритмини топиб, гол уришга эришди. «Энди шу йўналишда давом этишимиз керак», деди футболчи.