Эрон чет элликни Исроил жосуси деб ўйлаб, ҳибсга олди

Эрон Инқилобий қўриқчилари разведка бўлими Исроил учун жосуслик қилганликда гумон қилинган чет элликни қўлга олганини эълон қилди. Бу ҳақда ярим расмий Тасним ахборот агентлиги хабар берди.

Мамлакат бўйлаб норозилик намойишлари 28-декабрдан бери давом этмоқда. Дастлаб иқтисодий вазият, хусусан, инфляциянинг ошиши сабабли бошланган намойишлар тез орада сиёсий тус олди. Намойишчилар руҳоний ҳукмронликнинг тугатилишини талаб қилмоқда.

Расмийлар АҚШ ва Исроилни тартибсизликларни қўзғашда айбламоқда.