Футбол мухлислари учун қизиқарли учрашувлар: Кубок, АПЛ, Суперкубок...

Дам олиш кунлари футбол мухлисларини ёрқин ва қизиқарли учрашувлар кутмоқда. АПЛ қисқа танаффусга чиққан бўлса-да, Англияда сенсация билан бошланган Кубок баҳслари давом этмоқда. Бундеслига таътилдан қайтмоқда, Саудия Арабистонида эса Эл-Класико ўтказилади.

Жазоир – Нигерия
Шанба, 21:00

Африка миллатлар кубоги аста-секин якунига яқинлашмоқда. Чоракфиналларга кирган кучли жамоалар орасида сенсациялар кам бўлди, аммо бир неча курашлар бор, улардан бири – Жазоир ва Нигерия терма жамоаларининг баҳси.