АҚШ Россиянинг "соя флоти" танкерини Кариб денгизида қўлга олди

АҚШ жума куни, 9 январда, Россиянинг “соя флоти” билан боғлиқ бўлиши эҳтимол қилинган яна бир нефт танкерини қўлга олди. Olina номли кема Кариб денгизида, Тринидад яқинида тўхтатиб қолинди ва АҚШ Қирғоқ қўриқлаш хизмати ходимлари томонидан ўтказилган операцияда ушланди. Бу воқеа АҚШ Қуролли кучларининг Жанубий қўмондонлиги томонидан расман тасдиқланди.

Жанубий қўмондонликнинг ижтимоий тармоқдаги хабарига кўра, "Жанубий найза" (Southern Spear) тезкор гуруҳи ва денгиз пиёдалари танкери Olina'ни ҳеч қандай ҳодисасиз қўлга олишди.