Obsidian тўртта лойиҳа устида ишлаётгани айтиламоқда

2026 йил Xbox учун муҳим давр бўлиши кутилмоқда: компания 25 йиллигини нишонлайди, йил охиригача эса Forza Horizon 6, Halo: Campaign Evolved, Gears of War: E-Day ва Fable чиқиши керак. Шу ойги Developer_Direct тадбирида Microsoft ушбу ўйинларнинг айримларини намойиш қилиши мумкин. Бу ҳақда playground.ru хабар беради.

Windows Central журналисти Jez Korden маълумотига кўра, Obsidian студияси 2025 йилда The Outer Worlds 2, Avowed ва Grounded 2 тақдим этилгач, бир вақтнинг ўзида тўртта турли лойиҳа устида иш олиб бормоқда.