Гвардиола ёмон хабар берди: Савинио 2 ой йўқ бўлади

«Манчестер Сити» мухлислари учун навбатдаги нохуш янгилик келди. Жамоа бош мураббийи Хосеп Гвардиола вингер Савинионинг жароҳати енгил эмаслигини очиқ айтди ва унинг майдонга тезда қайтиши ҳақидаги умидларни бироз совутди.

Бразилиялик футболчи «Сандерлэнд»га қарши ўтган баҳсда (0:0) жароҳат олганди. Ўша ўйиндан кейин Савинионинг ҳолати диққат марказида эди, чунки «шаҳарликлар» ҳужумда айнан қанот фаоллигига кўп таянади. Энди эса Гвардиола «Брайтон» билан ўйиндан (1:1) кейинги матбуот мулоқотида вазиятга аниқлик киритди.