"Сабаҳ" Умарали Раҳмоналиевни қанчага сотиб олгани маълум бўлди

Кеча Қозоннинг «Рубин» клуби ўз сафига тегишли бўлган ярим ҳимоячи Умарали Раҳмоналиев билан хайрлашганини маълум қилди. Шу тариқа, 22 ёшли футболчининг келажаги бўйича интрига ҳам узоққа чўзилмади.

Transfermarkt нашри келтирган маълумотларга кўра, Озарбайжоннинг «Сабаҳ» клуби Раҳмоналиев учун «Рубин»га 400 минг доллар миқдорида тўлов амалга оширган. Футболчининг ўзи билан эса 3 йилга мўлжалланган келишув имзоланган. Демак, «Сабаҳ» раҳбарияти уни келажак режаларида жиддий ҳисобга оляпти, десак бўлади.