Ўзбекистон 2030 йилгача маънавий тараққиёт стратегиясини тақдим этди

Ўзбекистонда 2030 йилгача мўлжалланган маънавий-маърифий ва маданий ривожланиш бўйича стратегик режа ишлаб чиқилди. Ҳужжат миллий қадриятларни мустаҳкамлаш, жамиятни ғоявий таҳдидлардан ҳимоя қилиш ҳамда маданият инфратузилмасини янгилашга қаратилган. Бу ҳақда podrobno.uz хабар беради.

Стратегияда китобхонликни кенгайтириш алоҳида йўналиш сифатида белгиланган. Режага кўра, фаол китоб ўқийдиган ёшлар сони 5 миллионга етказилади, бунинг учун кутубхона фондидаги 40 миллион китоб рақамлаштирилади.