Хитойда интернет қаттиқ назоратга олинди: лицензиясиз янгиликлар қатъий тақиқланади

Хитойда онлайн ахборот маконида тартибни кучайтириш бўйича янги босқич бошланди. Пекин шаҳрининг киберхавфсизлик органлари интернетда лицензиясиз интервью ўтказиш, янгилик тўплаш ва уларни нашр этишни қатъий чеклашга киришди. Мақсад — ижтимоий тармоқлар ва сайтларда салбий кайфият, асоссиз ваҳима ҳамда фитна назарияларининг тарқалишини бартараф этиш.

Маълум қилинишича, Пекин Кибермакон маъмурияти 2025 йил декабрь ойида онлайн янгиликлар соҳасини қамраб олган бир ойлик махсус назорат кампаниясини бошлаган.