Игор Корнеев «Эспаньол»ни РПЛ кашфиёти «Балтика» билан қиёслади

ЦСКА собиқ ярим ҳимоячиси Игор Корнеев Испаниянинг «Эспаньол» жамоасини Калининграднинг «Балтика»си билан таққослади. Бу ҳақда euro-football.ru хабар беради.

Ла Лиганинг 18-турида «Эспаньол» ўз майдонида «Барселона»га 0:2 ҳисобида ютқазди. Меҳмонлар сафида Роберт Левандовски ва Дани Олмо биттадан гол урди.

Корнеевнинг айтишича, «Эспаньол» жорий мавсумнинг энг катта кашфиётларидан бири. У натижалар нуқтайи назаридан уларни «Балтика»га ўхшатиш мумкинлигини, бироқ ўйин сифати жиҳатидан бундай эмаслигини таъкидлади.