Эрон: Иқтисодий инқироз фонида оммавий норозилик намойишлари кучайди

Эрон пойтахти ва қатор йирик шаҳарларда 28 декабрдан буён оммавий норозилик чиқишлари тўхтамаяпти. Норозиликларга асосий туртки сифатида мамлакатда чуқурлашиб бораётган иқтисодий қийинчиликлар тилга олинмоқда. Ахборот агентликлари маълумотларига кўра, Теҳрон ва Исфаҳонда ўтаётган намойишларга йирик университетлар талабалари ҳам қўшилган.

Айрим ҳудудларда норозилар билан полиция ўртасида майда тўқнашувлар қайд этилган. Қонун-тартибот идоралари оломонни тарқатиш учун кўздан ёш чиқарувчи газ қўллагани хабар қилинмоқда.