Бугун кўп ҳудудларда ёмғир ва кучли шамол кутилмоқда

30 декабрь куни Ўзбекистоннинг бир қатор ҳудудларида ёмғир ёғиши ва шамол кучайиши кутилмоқда, деб хабар берди "Ўзгидромет".

Тошкент шаҳрида ҳаво ўзгарувчан бўлиб, қисқа муддатли ёмғир кузатилиши мумкин. Шамол ғарбдан секундига 3–8 метр тезликда эсади. Ҳарорат тунги пайт 7–9, кундуз 11–13 даража илиқ бўлади.

Қорақалпоғистон ва Хоразмда ҳам ёмғир эҳтимоли бор, айрим жойларда туман тушиши мумкин. Бухоро, Навоий, Самарқанд, Жиззах ва Сирдарё вилоятларида ёмғирли ва шамолли об-ҳаво кутилмоқда.