Японияда даҳшатли ЙТҲ: 57 машина занжирли тўқнашувга учради

Японияда йирик йўл-транспорт ҳодисаси содир бўлиб, ўнлаб автомобиллар бир вақтнинг ўзида тўқнашди. Фожеа оқибатида бир неча машина ёнғинга ўралиб, қутқарув ишлари соатлаб давом этган.

Маълум қилинишича, ҳодиса Гунма префектураси ҳудудидан ўтувчи Канецу тезюрар автомагистралида жума куни тахминан соат 19:30 ларда рўй берган. Дастлабки маълумотларга кўра, икки юк машинасининг ўзаро тўқнашуви занжирли аварияга сабаб бўлиб, оқибатда 57 та транспорт воситаси йўлнинг турли қисмларида тўхтаб қолган.