Ўзбекистонда электрон ишончномалар тартиби тасдиқланди

Ўзбекистонда ҳужжатларни масофадан расмийлаштиришнинг замонавий механизмлари жорий этилмоқда: ҳукумат Vakolat.uz платформаси фаолият тартибини тасдиқлади.

Энди жисмоний ва юридик шахслар электрон ишончномаларни онлайн расмийлаштириш, ўзгартириш ва бекор қилиш имкониятига эга бўлади, барча маълумотлар ягона очиқ реестрда жамланади. Бу ҳақда Podrobno.uz хабар беради. Вазирлар Маҳкамаси қарорига кўра, янги платформа рақамли муҳитда ваколатларни бошқариш учун расмий восита бўлиб хизмат қилади.