"Монако" Иленикена учун нархини ошкор қилди

Франциянинг "Монако" клуби нигериялик иқтидорли ҳужумчи Жорж Иленикенани сотишга тайёр. Клуб 19 ёшли футболчи учун 20 миллион евро ёки ундан ортиқ таклиф бўлса, уни қўйиб юборишга рози.

Кўплаб мутахассислар Иленикенада келажакда Виктор Осимхен даражасидаги футболчини кўрмоқда. Мазкур вазиятга оид маълумотни таниқли инсайдер Экрем Конур берган.

Футболчига Италиянинг "Рома" ва "Фиорентина", Германиянинг "Байер", "Штутгарт" ва "Айнтрахт", шунингдек, Испаниянинг "Вильярреал" клублари қизиқиш билдирмоқда.