"Атлетико"нинг бугунги муваффақиятларида Симеоненинг ҳиссаси катта эканлиги таъкидланди

Лондоннинг "Арсенал" ва Петербургнинг "Зенит" клублари собиқ ҳужумчиси Андрей Аршавин мадридликлар устози Диего Симеоненинг фаолияти ҳақида фикр билдирди. Аршавиннинг таъкидлашича, Симеоне "Атлетико"ни янги босқичга олиб чиққан.

"Симеоненинг футбол услуби ҳамма учун ёқмаслиги мумкин, бироқ бу унинг ўзига хос ёндашуви. Бугунги "Атлетико" айнан Симеоненинг жамоаси", – деди мутахассис "Матч ТВ" телеканали эфирида.

Маълумот учун, аргентиналик мураббий 2011 йилдан бери "матрасчилар"ни бошқариб келмоқда.