Афғонистонда юқори лавозимли амалдор аёллар ҳақидаги фикри учун ҳибсга олинди

Афғонистонда Энергетика ва сув хўжалиги вазирлигининг юқори мартабали маслаҳатчиси Фаруқ Аъзам аёлларни зилзиладан зарар кўрган Кунар вилоятига ҳамшира сифатида юборишни таклиф қилганидан кейин ҳибсга олинди. Бу ҳақда Afghanistan International ахборот манбаси маълумот тарқатди.

Хабарларга кўра, унинг қўлга олиниши “Толибон” етакчиси Хибатуллоҳ Охундзода буйруғи билан амалга оширилган. Ҳозирда Фаруқ Аъзам Кобулдаги махсус назорат идорасида сақланаётгани ва иши ҳарбий судга юборилгани айтилмоқда.