«Реал» ва «Марсель» мухлислари стадион ёнида жанжаллашиб кетишди

Мадриднинг «Реал» ҳамда Франциянинг «Марсель» жамоаси мухлислари Чемпионлар лигаси 2025/2026 йилги мавсуми умумий босқичи 1-тур учрашуви олдидан «Сантьяго Бернабеу» стадиони яқинида кенг миқёсда тўқнашувга киришиб кетишди. Жанжалга Испаниянинг ҳуқуқ-тартибот органлари ходимлари ҳамда полиция бўлинмалари ҳам аралашди.

Маълумот учун, ўтган мавсумда Испания гранди «Реал» мусобақанинг чорак финалига қадар етиб борган, бироқ икки ўйин натижаларига кўра Лондоннинг «Арсенал» жамоасига умумий ҳисобда 1:5 билан мағлуб бўлган эди.