Токиода икки боксчи жангдан кейин ҳалок бўлди

Токиода ўтган бокс кечасидан сўнг икки япон боксчиси мия жароҳатлари оқибатида вафот этди.

28 ёшли Хиро маса Уракава 2-август куни Ёжи Саито билан бўлган жангнинг саккизинчи раундида нокаутга учраб, шифохонага ётқизилди. У субдурал гематома(мия ва калла суяги орасида қон йиғилиши) ташхиси билан операция қилинди, аммо 9-август куни ҳаётдан кўз юмди.

Бундан бир кун олдин, худди шу тадбирда жанг қилган Шигетоши Котари ҳам худди шундай жароҳатдан вафот этган эди. Ҳар икки спортчи Токиода рингга чиққан.