Кореяликлар яна 6 та ўзбек хизмат итини харид қилди

Жорий йилнинг июнь ойида халқаро ҳамкорлик доирасида яна бир муҳим келишув амалга оширилди — Жанубий Корея мутахассислари томонидан Ўзбекистонда етиштирилган 6 бош хизмат ити сотиб олинди.

Маълумотларга кўра, Тошкентдаги Миллий кинология марказида махсус тайёргарликдан ўтказилган Жесси, Белла, Фарона, Рада, Файз ва Фариз лақабли итлар юборилишдан олдин барча талабларга жавоб берадиган ветеринар текширувлардан ўтказилди. Улар халқаро ташиш учун зарур бўлган ҳужжатлар билан расмий равишда Тошкент халқаро аэропорти орқали Кореяга юборилди.