Марғилонда Gentra болани босиб кетиб, йўлида давом этди

Марғилон шаҳрида жуда ачинарли ва ўйлантирувчи йўл-транспорт ҳодисаси юз берди. 10 май куни шаҳардаги кўп қаватли уйлар орасида жойлашган йўлакда 2,5 ёшли Абубакр Акрамжонов ўйнаб ўтирган пайтда, 55 ёшли маҳаллий аёл бошқарувидаги Gentra автомобили уни босиб кетган, деб Kun.uz хабар бермоқда.

Кузатув камералари ёзиб олган лавҳаларга кўра, ҳайдовчи жуда секин ҳаракатланаётган бўлишига қарамай, боланинг устидан бефарқлик билан юриб ўтган. Автомобилнинг олд ғилдираги боланинг кўкрак қисмини, орқа ғилдираги эса тос қисмини босиб ўтган.