Фарғонада танишини машина билан уриб ўлдирди

Фарғона вилояти Ички ишлар бошқармаси матбуот хизмати хабар беришича, 10 июль куни Фарғона шаҳрида Узбек Овози кўчасида икки таниш ўртасида низо юз берган.

Низо вақтида бири "Lacetti" русумли автомобилга ўтириб, ўз танишини уриб кетган. Бу ҳаракат натижасида жабрланувчи оғир тан жароҳатлари олган. Тиббий ёрдам кўрсатилганига қарамай, у шифохонада вафот этган, деб ёзмоқда Upl.uz сайти.

Ушбу ҳолат бўйича Ўзбекистон Республикаси Жиноят кодексининг 104-моддаси 3-қисмига асосан жиноят иши қўзғатилган.