Россия Ўзбекистонда рус тили тарғиботини ўрганади

Россия Ўзбекистонда рус тилини тарғиб этиш самарадорлигини ўрганади, деб «Ведомости» нашри хабар берди.

Тадқиқотни Россия Ташқи ишлар вазирлиги ҳузуридаги Бутунроссия жамоатчилик фикрини ўрганиш маркази (ВЦИОМ) амалга оширади.

Ўрганиш нафақат Ўзбекистонда, балки Озарбайжон, Венесуэла, Ҳиндистон ва Хитойда ҳам олиб борилади. Бу мақсадлар учун Россия томонидан 34,8 миллион рубль (тахминан 4,9 миллиард сўм) ажратилади.

Тадқиқотнинг қандай шаклда олиб борилишига ВЦИОМ жавобгар бўлади.