Таэквондочи қизларимиз Кореяда олтин медалга эга чиқишди

Корея Республикасининг Мужу шаҳрида нуфузли таэквондо мусобақаси — “World Taekwondo Diamond Games” старт олди. Ушбу беллашувлар нафақат ўзининг савияси, балки унда қатнашувчи спортчиларнинг маҳорат даражаси билан ҳам алоҳида эътибор қозонмоқда. Мусобақанинг биринчи куниёқ юртимиз спортчилари фахрланарли натижа қайд этишди, деб хабар берди olympic.uz.

Ўзбекистон терма жамоаси таркибида иштирок этаётган Озода Собиржонова ва Мадина Шониёзова жуфтлиги мусобақада ноодатий форматда — -110 кг вазн тоифасида куч синашди.