“Реал” Родригони 90 миллион еврога сотишга тайёр

Мадриднинг “Реал” клуби юлдуз вингери Родриго билан хайрлашиш имконини кўриб чиқмоқда. Жамоа унинг трансфери орқали камида 90 миллион евро даромад олишни режалаштирмоқда ва бу маблағни жамоани кучайтиришга сарфламоқчи.

Cadena SER нашри тарқатган хабарга кўра, Англиянинг “Арсенал” клуби 24 ёшли бразилиялик футболчига жиддий қизиқиш билдирган. Шунингдек, Родригони “Манчестер Сити” клуби ҳам кузатиб бораётгани айтилмоқда. Футболчининг ўзи эса фақатгина бир клуб эмас, балки турли вариантларни ўрганишга тайёр эканини билдирган.