Элдор Шомуродов “Башакшеҳир” билан Туркияга йўл оладими?

Ўзбекистон миллий терма жамоаси сардори ва ҳужум чизиғидаги асосий юлдузлардан бири — Элдор Шомуродовнинг фаолиятида яна янги бурилиш бўлиши мумкин. Ҳозирда у “Рома” клуби таркибида тўп сурмоқда, аммо Италия матбуоти ва турк журналистлари тарқатаётган маълумотларга қараганда, форвард тез орада клубини алмаштириши мумкин.

Италиянинг “Ilromanista” нашри маълум қилишича, “Рома” жамоаси бош мураббийликка Жан Пьеро Гасперини келганидан сўнг трансфер стратегиясида сезиларли ўзгаришлар кузатила бошлади.