Ўзбекистон Кубоги. “Шўртан” ва “Бунёдкор” чорак финалга чиқди

Футбол бўйича Ўзбекистон Кубогининг нимчорак финалидан ўрин олган учрашувлар 18 июнь, чоршанба куни ўтказилди.

Бугунги кунга иккита учрашув белгиланган эди. Жумладан, “Шўртан” Ғузорда “Арал”ни қабул қилган бўлса, “Қўқон-1912” ўз майдонида “Бунёдкор” билан ўйин ўтказди.

Ғузордаги баҳс мезбонлар устунлиги остида ўтди ва натижа ҳам шунга яраша бўлди. Биринчи бўлимнинг ўзида “Шўртан” иккита гол фарқи билан олдинга чиқиб олди. Иккинчи бўлимда жами учта гол урилган бўлса, уларнинг биттаси меҳмонлар ҳисобига бўлди.