Исроил-Эрон тўқнашуви: Ракета зарбалари натижасида қурбонлар ва вайрона бинолар (видео)

15 июнга ўтар кечаси Яқин Шарқдаги вазият янада изидан чиқди — Исроил ва Эрон ўртасида кескин тўқнашув авж олди. Ҳар икки томон ҳам ракета ва дрон зарбалари билан бир-бирини нишонга олгани ҳақида расмий ахборот тарқатди. Эрон давлат телевидениеси маълумотига кўра, бу кеча давомида 100 дан ортиқ ракета ва турли дронлар учирилди, асосий нишонлар сифатида Исроилнинг Тел-Авив ва Ҳайфа шаҳарлари танланган.

Исроил мудофаа армияси ҳам айни пайтда ракета ҳужуми қайд этилганини ва мамлакат бўйлаб хавфсизлик сиреналари ишга тушганини билдирди.