Жалолиддин Машарипов: Роналду оддий инсон, афсона ва дўстона жамоадош

Сўнгги кунларда “Nobel” YouTube-канали 2026 йилги жаҳон чемпионатига йўлланма олган Ўзбекистон миллий терма жамоаси футболчилари билан интервьюлар эълон қилиб, футбол мухлисларини янада руҳлантириб қўймоқда. Улар орасида футболимиз юлдузи, тажрибали ҳужумкор футболчи Жалолиддин Машариповнинг сўзлари ва хотиралари алоҳида қизиқиш уйғотди.

Машарипов, айниқса, ўз вақтида дунё футболи афсонаси Криштиану Роналду билан бирга Саудия Арабистонининг “Ан-Наср” клубида ўйнаган лаҳзаларини мухлислар билан бўлишди.