Шомуродов ва “Рома” — Чемпионлар лигаси учун ҳал қилувчи курашда

Италия А Сериясида мавсумнинг сўнгига яқин тақдири ҳал бўладиган ўйинлар кетма-кетлиги давом этмоқда. Европа Чемпионлар лигасига йўлланма олиш учун даъвогар жамоалардан “Ювентус”, “Рома” ва “Лацио” 37-турда муҳим очколарни қўлга киритишди. Аммо айни шу турдаги энг таъсирли баҳс Римда бўлиб ўтди — Клаудио Раньери бошчилигидаги “Рома” “Милан”ни 3:1 ҳисобида мағлуб этди.

Бу ўйин нафақат чемпионат нуқтаи назаридан, балки Раньерининг римликлар бош мураббийи сифатида ўз уйидаги сўнгги учрашуви сифатида ҳам катта аҳамият касб этди.